திருப்புகழும் அருணகிரிநாதரும்

பேராற்றல் மிக்க திருப்புகழ், அருணகிரிநாதர் சுவாமிகளால் இயற்றப்பட்ட தெய்வீக பாடல்களின் பொக்கிஷம். முருகப்பெருமானின் மகிமை, தத்துவ ஞானம், மற்றும் கவித்துவ அழகால் நிரம்பிய இந்த பாடல்கள், பக்தர்களுக்கு மோக்ஷ பாதையை காட்டுகின்றன. இசையின் ஓசையும், சந்தமும், கவிதையின் ஆழமும், இந்த பாராயணத்தை முருக வழிபாட்டில் இன்றியமையாத ஒன்றாக மாற்றுகின்றன.

நாம் வழிபடும் தெய்வங்கள்

அட்லாண்டா திருப்புகழ் சபையில் நாம் உன்னத பக்தியுடன் வழிபடும் தெய்வங்கள்:

• செல்வ முத்து குமர குருபரன் – ஞானம், பலம், மற்றும் தெய்வ அருளின் திருவுருவம்.

• தேவசேனா தாயார் – பரம ஞானம் மற்றும் சக்தியின் வடிவம்.

• வள்ளி தாயார் –  தூய பக்தியும், நம்பிக்கையும், ஆன்மாவை தெய்வத்துடன் இணைக்கும் திருவுருவம்.

பாராயணத்தின் கட்டமைப்பு

ஒவ்வொரு திருகார்த்திகையிலும், பக்தர்கள்  ஒருங்கிணைந்த வழிபாட்டு முறையை பின்பற்றுகிறார்கள், இது அனைவருக்கும் முழுமையான ஆன்மீக அனுபவத்தை வழங்குகிறது:

1. விநாயகர் ஸ்துதி – ஐந்து கரத்தான் , யானை முகத்தான் விநாயகர் அருளால் திருப்புகழ் பாராயணம் தொடங்கப்படுகிறது்.

2. ஸ்கந்த சஷ்டி கவசம் – முருகனின் தெய்வீக பாதுகாப்பை வேண்டி  சக்திவாய்ந்த இப்பதிகம் பாடப்படுகிறது.

3. வேல் மாறல் – முருகப்பெருமானின் வேலின் மகிமையை புகழ்ந்து முழுமனதுடன் பாடப்படும் பாராயணம். இப்பாராயணத்தின் போது வேலுக்கு ஆறுவகை அபிஷேகம் நடைபெறுகிறது.

4. குழந்தைகள் பாடல் – குழந்தைகள் பக்திப் பாடல்களை பாடி பாரம்பரியத்தையும், தெய்வ வழிபாடு முறைகளை அறிந்து கொள்ளும் உன்னத முயற்சி. இம்முயற்சி நம் சந்ததியினர் இறை நம்பிக்கை தொடர வழி வகுக்கும்.

5. திருப்புகழ் பாராயணம் – இந்த நிகழ்வின் மையப்புள்ளி, பக்தர்கள் உள்ளுணர்வுடன் திருப்புகழைப் பாடி, முருகனின் தெய்வீக அருளைப் பெறுகிறார்கள்.

6. அழகனை பற்றி அறிந்ததும் அறியாததும் – முருகப்பெருமானைப் பற்றி அறிந்ததையும் அறியாதவைகளையும் மற்றும் ஆன்மீகச்சிந்தனைகளையும் அன்பர்கள் பகிர்ந்து கொள்வார்கள்.

7. தீபாராதனை – இறுதியாக கற்பூர தீபம் ஏற்றி , அறியாமை எனும் மாய இருளை அழித்து, ஞான ஒளியை பரப்பும் புனித நிகழ்வுடன் பாராயணம் நிறைவடைகிறது.

திருப்புகழ் பாராயணத்தின் ஆன்மீகப் பலன்கள்

திருப்புகழ் பாராயணத்தில் ஈடுபடுவதன் மூலம் பக்தர்களுக்கு பல ஆன்மீக பலன்கள் கிடைக்கின்றன:

• உள் அமைதி மற்றும் பக்தி – திருப்புகழின் இனிமையான ஒலியால் மனதில் ஆன்மீக அமைதி பெருகும்.

• தெய்வ அருளும் பாதுகாப்பும் – முருகப்பெருமான் பக்தர்களை அனைத்து துன்பங்களிலும் இருந்து காப்பாற்றி, ஞானத்தையும் வழிகாட்டுதலையும் வழங்குகிறார்.

• சமூக உறவு – முருக பக்தர்கள் ஒன்றிணைந்து வழிபடும்போது பக்தியில் கூட்டு உணர்வு உருவாகும்.

• பாரம்பரியத்தின் பாதுகாப்பு – குழந்தைகள் இதில் செயல்பட்டு, நம் ஆன்மீக மரபுகளை அடுத்த தலைமுறைக்கு கொண்டு செல்வதை உறுதிப்படுத்துகிறது.

எதிர்கால நோக்கம்

அட்லாண்டா திருப்புகழ் சபை தொடர்ந்து முருக பக்தியின் தெய்வீக மணத்தை பரப்பி வருகிறது. ஒவ்வொரு திருகார்த்திகையிலும், நம்மை முருகன் அருளால் இணைத்துக்கொண்டு, ஞானம், செழிப்பு மற்றும் ஆன்மீக வளர்ச்சி பெற பிரார்த்திக்கிறோம்.

முருகன் அருள் கொண்டு நம்முடைய முயற்சிகள் அனைத்தும் தெய்வீக வழியில் தொடரட்டும்!

🌺 வெற்றிவேல் முருகனுக்கு ஹர அரோஹரா! 🌺

🙏✡ முருகா சரணம் ✡🙏